नौमती बाजामा महिलाको आकर्षण - समृद्धि खबर

Pages

Breaking

Thursday, December 19, 2019

नौमती बाजामा महिलाको आकर्षण

काठमाडौं, ३  पुस। 

महिलाले बाजा बजाउन हुन्न भन्ने परम्परागत धारणालाई अन्त्य गर्न महिलाको एउटा समूहले नौमती बाजामार्फत समाजमा सशक्तीकरण र सचेतनाको अभियानलाई गति दिएका छन् । 

उनीहरुले परम्परागत पञ्चैबाजाको संरक्षण र संवद्र्धन गर्दै सामाजिक परिवर्तनका अभियानमार्फत अघि बढेका हुन् । नौमती बाजा पञ्चेबाजाको ठूलो रुप हो । यसमा अन्य चार थान सहनाइ र दमाहा थपिएका हुन्छन् । पञ्चेबाजामा दमाह, झ्याली, ट्याम्को, ढोलकी र सहनाइ रहेका छन् ।

नौजना बाध्यबादक लोक कलाकारले सुर र ताल मिलाएर एकै पटक बजाइने भएकाले यो बाध्य समूहलाई नौमतीबाजा भनिएको हो । नौमती बाजा समूहकी अध्यक्ष जानुका पौडेलले सांस्कृतिक क्षेत्रमा महिलाको सहभागिता र लोपोन्मुख बाजाको जगेर्ना गर्न अभियान सञ्चालन गर्न लागेको पत्रकार सम्मेलनमार्फत जानकारी दिनुभयो ।

नौमती बाजा समूहले २०७० सालबाट महिलालाई तालीम दिन थालेको छ । नौमती बाजा नेपाली धार्मिक, एवं सांस्कृतिक सम्पदाको रुपमा विवाह, व्रतबन्ध, विदेशी पाहुनाको स्वागत र बिदाई, राष्ट्रिय अन्तर्राष्ट्रिय सभा समारोहदेखि विशेष कार्यक्रममा बजाइने गरिन्छ । रासस

No comments:

Post a Comment

Post Bottom Ad